Námskeið - september 2021

Völundarhús tækifæranna: Spennandi möguleikar á vinnumarkaði framtíðar.

Hentu gömlu ferilskránni og búðu þig undir að vinna þar sem þú vilt, þegar þú vilt, með þeim sem þú vilt.

Spennandi vinnumarkaði er að eiga sér stað sem nauðsynlegt er að undirbúa sig fyrir. Eðli starfa og vinnustaða er að breytast og starfsferil fólks er orðin mun fjölbreyttari en áður. Hinum svokölluðum giggurum fer fjölgandi. Við erum öll að selja þekkingu okkar á markaðstorgi þekkingar og reynslu.  Framtíðarfræðin snúast um að lesa í trend og á þessu námskeiði undirbúum við okkur og lesum í framtíðartrend á vinnumarkaði með það í hugaað undirbúa okkur sem best.

Komdu á námskeið þar sem þessi „trend“ verða skoðuð og hvernig við getum nýtt þau til að undirbúa okkur betur undir þátttöku, með nýjum hætti, á vinnumarkaði framtíðarinnar. Settar verða upp nokkrar sviðsmyndir um breytt tækifæri og ógnanir.

Fjallað verður m.a. um:

  • Breyttar hugmyndir um vinnu.
  • Starfsþróun og uppbyggingu starfsferils.
  • Hamlandi og styðjandi þætti.
  • Hvað þarf til að ná árangri á framtíðarvinnumarkaði.
  • Færnimöppu í stað ferilskrár.
  • Að vera leiðtogi í eigin lífi.

Hentu gömlu ferilskránni og búðu þig undir að vinna
þar sem þú vilt, þegar þú vilt, með þeim sem þú vilt
– Í framtíðinni er vinna það sem við gerum, ekki hvar við erum.

Fyrri hluti námskeiðsins fer fram mánudaginn 13 september, kl. 19:30-21:30, í sal 4 á Hótel Natura, Nauthólsvegi 52. Í lok kvöldsins fá þátttakendur verkefni til að vinna með fram að seinni hluta námskeiðsins.
Seinni hluti námskeiðsins fer fram mánudaginn 27. September, kl. 19:30-21:30, á sama stað.

Verð: 39.900.

Innifalið í verðinu er bókin Völundarhús tækifæranna, verkefnahefti, aðgangur að lokaðri Facebook-grúppu, þátttaka í Mastermind-hópi o.fl.
- Hægt að fá styrk frá flestum stéttarfélögum.

Möguleiki á að kaupa einkatíma í markþjálfun/ráðgjöf hjá Árelíu eða Herdísi eftir námskeiðið.

Smelltu hér til að skrá þig á námskeiðið

Greiðslu má leggja inn á reikn. 0537-26-4202, kt. 420212-0890 eða greiða með peningum á staðnum (athugið að enginn posi er á staðnum).

Umsagnir

Námskeiðið var virkilega mikill innblástur á tímamótum í lífinu þar sem ég ákvað að breyta til og hætta í þessu hefðbundna vinnuformi frá 8-16. Kennararnir á námskeiðinu komu með frábærar hugmyndir um hvernig hugsa má hlutina upp á nýtt. “Giggari” er nýja uppáhaldsstarfsheitið mitt. Mæli með þessu námskeiði fyrir alla sem vilja breyta til á vinnumarkaði og öðlast meira frelsi.

Sólrún

Leiðbeinendur

Leiðbeinendur eru dr. Árelía Eydís Guðmundsdóttir, dósent við HÍ og rithöfundur, og Herdís Pála Pálsdóttir, reyndur mannauðsstjóri og áhugamanneskja um framtíðina á vinnumarkaði, en þær hafa skrifað bók um málefnið og hafa lengi verið að rýna í framtíðina á vinnumarkaði.

©2021 – Völundarhús  tækifæranna

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram