Þú tekur ákvarðanir um það bil 35.000 sinnum á dag - værir þú til í að pæla aðeins betur í þeim, leggja aðeins meiri hugsun í þær?

Kannski þarftu fyrst að ákveða eða finna út hvað þú vilt fá út úr þínum ákvörðunum.
Byrjaðu á að skoða hvaða ákvörðunum þú stendur helst frammi fyrir og skilgreina svo hvað væri góður árangur fyrir þig. Notaðu síðan eftirfarandi 5 spurningar til að gera hann enn meiri.

Þegar þú skilgreinir árangur þinn skaltu hugsa um öll þau svið í lífi þínu sem skipta þig máli. Þú getur náð árangri á fleiri en einu sviði á sama tíma, náð 360° árangri. Og í raun ætti árangur á einu sviði ekki að kosta þig árangur á öðrum sviðum lífs þíns.

Vinnan okkar, eða það sem þú gerir til að afla þér lífsviðurværis, er líklega ansi stór hluti af lífi þínu - og getur jafnvel tekið 50-75% af vökutíma þínum á hverjum sólarhring.

Það er því mikilvægt að vera sátt/-ur við hvernig þú vinnur og hvernig þú vilt vinna til framtíðar litið, hvernig þú ætlar að taka þátt á vinnumarkaði framtíðarinnar..

Þá að spurningunum eða atriðunum 5, sem þú getur farið í gegnum og notað til að gera árangurinn þinn betri, eða þannig að hann gefi þér meira.

  1. Hvað er árangur fyrir mig? Hvað er velgengni fyrir mig?
    Hvað er 360 ° árangur fyrir mig, á hvaða sviðum lífs míns vil ég ná árangri, á sama tíma?
  2. Af hverju skilgreini ég árangur svona fyrir mig? Af hverju skiptir þetta máli fyrir mig? (Er ég að skilgreina árangur eins og aðrir eða til að líta vel út fyrir aðra?)
  3. Hverjir eru möguleikar mínir og tækifæri til að láta þetta verða að veruleika?
  4. Hvernig mun ég fara í kringum hindranir sem geta verið eða orðið á vegi mínum?
  5. Taktu ákvarðanir - og breyttu þeim í aðgerðir.

Þú getur farið í gegnum þessar 5 spurningar eða atriði hvenær sem þú tekur ákvarðanir - hvað svo sem það er sem þú þarft að taka ákvörðun um.

Vertu viss um að 35.000 daglegu ákvarðanirnar þínar skili þér meiri árangri. Hvernig sem þú skilgreinir árangur þinn.
Vertu viss um að 35.000 ákvarðanir þínar geri þig betri, ekki bitrari. Á öllum sviðum lífs þíns.


Næsta námskeið okkar, Spennandi tækifæri á vinnumarkaði framtíðarinnar fer af stað, alfarið á netinu, mánudaginn 11. október nk., smelltu hér til að lesa meira um námskeiðið.

Leiðbeinendur á námskeiðinu eru höfundar bókarinnar Völundarhús tækifæranna, þær dr. Árelía Eydís Guðmundsdóttir, dósent við HÍ, og Herdís Pála Pálsdóttir, reyndur mannauðsstjóri, markþjálfi og fyrirlesari.

Dæmi um umsagnir frá þátttakendum á fyrri námskeiðum:

"Námskeiðið var virkilega mikill innblástur á tímamótum í lífinu þar sem ég ákvað að breyta til
og hætta í þessu hefðbundna vinnuformi frá 8-16.
Kennararnir á námskeiðinu komu með frábærar hugmyndir
um hvernig hugsa má hlutina upp á nýtt.
“Giggari” er nýja uppáhaldsstarfsheitið mitt.
Mæli með þessu námskeiði fyrir alla sem vilja breyta til
á vinnumarkaði og öðlast meira frelsi."
~ Sólrún

Námskeið fyrir alla óháð aldri. Kannski sérstaklega fólk í "þekkingarbransanum".
Góð verkefni sem ýta manni í góðar pælingar.
~ Kristján


Völundarhús tækifæranna kápa

Nú er bókin Völundarhús tækifæranna komin út.
Bók sem fjallar um breytingar á vinnumarkaði, giggara og aukin lífsgæði.
Sjá meira um bókina hér.

Það er sko alveg á hreinu að ég er enginn aðdáandi Covid en ég held svei mér að ég verði samt að tala aðeins um það jákvæða sem mér finnst vera að koma út úr þessum Covid-tímum.

Á tímum Covid höfum við orðið að hægja á okkur. Minnka hraðann og spanið út um allt.
Við höfum flest varið meira tíma heima hjá okkur.
Við höfum líka flest varið tíma með færri einstaklingum en áður og þá þeim einstaklingum sem við höfum valið inn í “kúlurnar” okkar, hvort sem það var nú jóla-kúla, páska-kúla, sumar-kúla eða annað.

Samhliða þessu höfum við haft meiri tíma fyrir okkur sjálf og með okkur sjálfum, sem margir hafa notað til að líta inn á við. Hlusta á eigin hugsanir. Endurmeta lífsgildi okkar. Hvað er það sem skiptir okkur mestu máli?

Ég fylgist mjög mikið með því sem er verið að skrifa um stjórnun og mannauðsstjórnun, hvað er að gerast almennt í vinnu-málum.
Nú er mikið skrifað um bylgju sem kölluð er “The Great Resignation”, skulum kalla hana uppsagnar-bylgjuna.
Það er talað um að það sé stór hluti fólks á vinnumarkaði að íhuga að skipta um starf, og oftast vegna einhvers konar starfsþrots eða kulnunar.
En svo eru aðrir sem kalla þessa bylgju “The Great Awakening”, skulum kalla hana vakningar-bylgjuna (hálf skrýtið orð reyndar…)


Það eru jú margir á vinnumarkaði núna að íhuga hvernig þeir vilja halda áfram, eftir að hafa litið inn á við og aukið sjálfsþekkingu sína. Ég trúi því að það verði margir sem munu hætta, eða vilja hætta í núverandi starfi, ekki endilega til að fara að fá sér álíka starf á svipuðum vinnustað, heldur til að fara að vinna með allt öðrum hætti.
Það getur verið að einhverjir fari í að leita sér að annars konar starfi hjá annars konar vinnuveitanda, en ég trúi að það verði mikið fleiri sem velja að fara að nýta þekkingu sína, reynslu og hæfni, til að afla sér lífsviðurværis á eigin forsendum. Að taka að sér verkefni sem styðja við þann lífsstíl sem fólk vill viðhafa, ekki að láta lífsstílinn ráðast af því við hvað er starfað.

Nú er góður tími til að teikna upp eigin leiðarvísi, að kortleggja hvaða leið við viljum fara, í einkalífi og vinnu, hvernig við ætlum að fara þessa leið, á hvaða tíma, með hverjum o.s.frv.

Ég hef lengið talað um mikilvægi heilbrigðrar samþættingar vinnu og einkalífs og að ef einstaklingur vill upplifa velgengni í lífinu þá verði hún að vera 360° velgengni eins og ég kalla það. Það sem ég meina með því er að velgengi á einu sviði lífs okkar megi ekki vera á kostnað velgengi á öðrum sviðum lífs okkar.
Er t.d. einstaklingur sem nýtur velgengni í starfi sínu en sinnir hvorki heilsunni, fjölskyldunni eða vinunum raunverulega að njóta velgengni í lífinu?

Við höfum líka of lengi verið að starfa út frá hugmyndum sem komu fram í annarri iðnbyltingunni, eða upp úr ca. 1950.
Þar sem fólk varði öllum vinnutíma sínum á hverjum sólarhring í vinnu hjá einum vinnuveitanda. Allir mættu á sama tíma og hættu á sama tíma. Allir unnu eins, með sama búnaðinn og í sama einkennisfatnaðinum.

Fjórða iðnbyltingin hefur gefið okkur tækifæri til að endurskoða svo margar hugmyndir okkar um vinnu.
Hver segir að það sé endilega best í dag að vinna frá kl. 9 á morgnana til kl. 17 síðdegis, 5 daga vikunnar?
Hver segir að það sé endilega best að mæta alltaf í eitthvað eitt ákveðið húsnæði til að leysa verkefnin okkar?
Gætum við náð meiri árangri og verið meira skapandi og lausnamiðuð með því að vinna á einhvern annan hátt?

Ég trúi að fyrir ansi marga verði það þannig að vinnustaður framtíðarinnar verði þar sem þú vilt, þegar þú vilt.

- Nú er bókin okkar dr. Árelíu Eydísar Guðmundsdóttur komin út, þar sem við fjöllum einmitt um eitthvað af þessum hugmyndum og byggjum meðal annars á nýjum íslenskum rannsóknum sem við framkvæmdum samhliða skrifunum. Hægt að panta bókina hér.


Næsta námskeið okkar, Spennandi tækifæri á vinnumarkaði framtíðarinnar fer af stað, alfarið á netinu, mánudaginn 11. október nk., smelltu hér til að lesa meira um námskeiðið.

Leiðbeinendur á námskeiðinu eru höfundar bókarinnar Völundarhús tækifæranna, þær dr. Árelía Eydís Guðmundsdóttir, dósent við HÍ, og Herdís Pála Pálsdóttir, reyndur mannauðsstjóri, markþjálfi og fyrirlesari.

Dæmi um umsagnir frá þátttakendum á fyrri námskeiðum:

"Námskeiðið var virkilega mikill innblástur á tímamótum í lífinu þar sem ég ákvað að breyta til
og hætta í þessu hefðbundna vinnuformi frá 8-16.
Kennararnir á námskeiðinu komu með frábærar hugmyndir
um hvernig hugsa má hlutina upp á nýtt.
“Giggari” er nýja uppáhaldsstarfsheitið mitt.
Mæli með þessu námskeiði fyrir alla sem vilja breyta til
á vinnumarkaði og öðlast meira frelsi."
~ Sólrún

Námskeið fyrir alla óháð aldri. Kannski sérstaklega fólk í "þekkingarbransanum".
Góð verkefni sem ýta manni í góðar pælingar.
~ Kristján


Völundarhús tækifæranna kápa

Nú er bókin Völundarhús tækifæranna komin út.
Bók sem fjallar um breytingar á vinnumarkaði, giggara og aukin lífsgæði.
Sjá meira um bókina hér.

Ég skipulagði u.þ.b. fjórtán ferðir erlendis á síðustu tveimur árum, fimmtán matarboð sem ekki voru haldin og innflutningspartý sem ekki varð af. Missti af böllum og skröllum (smá ýkjur, feels like it..). Hugsunin "þegar þetta verður búið..", ég sá fyrir mér að sumarið 2021 yrði sannkölluð gleðiganga - en hún var heldur ekki haldin.

Við erum öll að klóra okkur í hausnum og velta fyrir okkur hvernig þetta fer. Skólarnir, vinnan, eldgosið og kó-vítið. Það eina sem við vitum er að við vitum ekki neitt. Ég kenni m.a. Breytingastjórnun við Viðskiptafræðideild Háskóla Íslands. Þar er fyrsta lögmálið, okkur er öllum illa við breytingar, þaðan vinnum við með stöðuna. Krisustjórnun snýst um að koma hárréttum skilaboðum sem fyrst til þeirra sem á þurfa að halda. Við höfum séð þríeykið gera það á daglegum fundum. 

Núna þurfum við öll á forystu í eigin lífi á að halda, vissan verður að koma innan frá. Forystu á tímum stöðugra breytinga, nýrra upplýsinga og endalausrar aðlögunar. 

Mínar tillögur.

  1. Takmarkaðu áhorf, áheyrn og lestur á hörmungarfréttum. Akkúrat núna þarf maður ekki á því að halda að hafa líka áhyggjur af skógareldum. Það þýðir ekki að manni sé sama um umhverfið og kolefnasporin, en núna, akkúrat núna á maður nóg með að reyna að finna ryðmann í nýrri heimsmynd. Horfstu í augu við óttann en ekki láta hann stjórna þér.
  2. Sinntu sóttvörnum og farðu að reglum. Hins vegar skaltu kyssa alla þá sem þú mátt kyssa vel og lengi. Faðma þá sem eru í þínum innsta hring. Hringja í hina og hitta oft. 
  3. Opnaðu augun fyrir tækifærunum sem þessi staða hefur fært okkur. Út kemur bók eftir mig og Herdísi Pálu Pálsdóttur, Mannauðsstjóra hjá Deloitte á næstu dögum. Hún heitir: Völundarhús tækifæranna. Það er ekki tilviljun að þetta nafn er valið. Það eru fullt af spennandi þáttum sem heimsfaraldurinn hefur skapað.
  4. Settu þér ný markmið sem heilla þig upp úr skónum. Eitthvað sem þú getur hlakkað til að ná. Hvort sem það er að læra að mála eða skrifa bók eða læra töfrabrögð, búa til föt úr gömlum eða læra um rafmynt.
  5. Nú er lag að læra eitthvað nýtt eða fríska upp á þekkinguna. Fjarkennsla, nýjar bækur, námskeið eða fara á bólakaf í að kynna sér fluguveiðar eða sveppatýnslu, sultugerð og gervigreind. Endalaus tækifæri til að grípa.
  6. Við erum öll að æfa æðruleysi. Taka því sem að höndum ber - reynum að flytja birtu þangað sem myrkt er. Vera til blessunar öðrum og umhverfinu. Það er ekki hægt alltaf en má reyna.
  7. Minntu þig á að þessu lýkur ekki hratt, við erum búin að læra það. Heimurinn þarf á því að halda að við tökum saman höndum og meðan að veikasti hlekkurinn er veikur þá er keðjan öll óstabíl. Það verður væntanlega ekki fyrr en flestir jarðarbúar hafa fengið bóluefni,  líka fyrir stökkbreytingum, sem við munum ná árangri. Lífið verður aldrei eins. Þetta er lærdómsferli sem undirbýr okkur fyrir næstu plágur. Þetta þarf ekki að vera verra ástand, hugsanlega er það betra. Hvernig getur það orðið betra fyrir þig? Nú er lag að vinna með sjálfan sig og móta lífstíl sem manni líður vel með.

Haustið er alltaf upphafið að einhverju nýju og spennandi í mínum huga. Lyktin af nýjum stílabókum, strokleðri og bleki. Kertaljós og rökkur, rómantík og uppskera. Allt sem raunverulega skiptir máli er hér enn. Það má njóta þess og fagna því að vera á lífi jafnvel þó maður hafi misst. 


Næsta námskeið okkar, Spennandi tækifæri á vinnumarkaði framtíðarinnar fer af stað, alfarið á netinu, mánudaginn 11. október nk., smelltu hér til að lesa meira um námskeiðið.

Leiðbeinendur á námskeiðinu eru höfundar bókarinnar Völundarhús tækifæranna, þær dr. Árelía Eydís Guðmundsdóttir, dósent við HÍ, og Herdís Pála Pálsdóttir, reyndur mannauðsstjóri, markþjálfi og fyrirlesari.

Dæmi um umsagnir frá þátttakendum á fyrri námskeiðum:

"Námskeiðið var virkilega mikill innblástur á tímamótum í lífinu þar sem ég ákvað að breyta til
og hætta í þessu hefðbundna vinnuformi frá 8-16.
Kennararnir á námskeiðinu komu með frábærar hugmyndir
um hvernig hugsa má hlutina upp á nýtt.
“Giggari” er nýja uppáhaldsstarfsheitið mitt.
Mæli með þessu námskeiði fyrir alla sem vilja breyta til
á vinnumarkaði og öðlast meira frelsi."
~ Sólrún

Námskeið fyrir alla óháð aldri. Kannski sérstaklega fólk í "þekkingarbransanum".
Góð verkefni sem ýta manni í góðar pælingar.
~ Kristján


Völundarhús tækifæranna kápa

Nú er bókin Völundarhús tækifæranna komin út.
Bók sem fjallar um breytingar á vinnumarkaði, giggara og aukin lífsgæði.
Sjá meira um bókina hér.

Þegar rætt er um hæfni sem nauðsynleg er talin til að leysa ýmis viðfangsefni eða sinna tilteknum störfum þá er þessum hæfniþáttum gjarnan skipt í tvo flokka.

Í fyrsta lagi er talað um hæfni sem er þannig að það er auðvelt að skilgreina og mæla hana.
Þessi hæfni er oftast fengin í gegnum nám eða þjálfun í starfi. Hún passar stundum bara í tiltekin störf og nýtist þá gjarnan illa eða ekki í öðrum störfum, færist ekki vel á milli starfa, þó ekki algilt.
 - Á ensku kallast þetta hard skills.
Dæmi um þetta er þekking á tilteknum tölvukerfum, bókhaldsþekking, meirapróf, þekking og réttindi til pípulagna o.fl.

Í öðru lagi er talað um hæfni sem getur verið erfiðara að skilgreina eða mæla.
Þessi hæfni liggur oft misvel við einstaklingum en þó þannig að hana er hægt að styrkja hjá öllum einstaklingum. Hún passar í flest eða öll störf og færist því vel á milli starfa.
 - Á ensku kallast þetta soft skills.
Dæmi um þetta er hæfni í mannlegum samskiptum, sköpunargáfur, tilfinningagreind o.fl.

Soft skills, við eigum því miður ekki gott íslenskt orð fyrir þá, eru þættir sem munu hjálpa til við að laða að og halda í vinnuafl framtíðarinnar.
Kröfur fólks til vinnustaða og stjórnenda sem það vinnur fyrir eru að breytast og því þurfa stjórnendur hugrekki til að láta af gömlum aðferðum, hversu góðar sem þær kunna að hafa verið einhvern tíma, og taka upp nýjar.

Dæmi um þessa mjúku hæfniþætti eru til dæmis:

Ég held að það hljóti allir að sjá að þessir hæfniþættir eru mjög mikilvægir og það sem er sérstaklega gott við þá að þeir eru ekki bundnir við tiltekin störf eða starfsemi.
Einstaklingar með þessa hæfni geta því mjög vel færst á milli ólíkra starfa og starfsgreina.

World Economic Forum gaf nýlega út skýrslu um þá hæfniþætti sem þau telja að verði mikilvægastir eða eftirsóttastir árið 2025. Á topp-10 listanum í skýrslunni eru hæfniþættir eins og seigla, sveigjanleiki, sköpunarhæfni, leiðtogahæfni, virk þekkingaröflun, félagsleg áhrif o.fl.

Góðu fréttirnar í þessu öllu saman eru þær að ef þú telur að þú getir bætt þína hæfni í fyrrgreindum þáttum þá eru margar leiðir færar til þess. Þú gætir lesið bækur, farið á námskeið, hlustað á fyrirlestra á netinu eða nýtt þér þjónustu markþjálfa.


Næsta námskeið okkar, Spennandi tækifæri á vinnumarkaði framtíðarinnar fer af stað, alfarið á netinu, mánudaginn 11. október nk., smelltu hér til að lesa meira um námskeiðið.

Leiðbeinendur á námskeiðinu eru höfundar bókarinnar Völundarhús tækifæranna, þær dr. Árelía Eydís Guðmundsdóttir, dósent við HÍ, og Herdís Pála Pálsdóttir, reyndur mannauðsstjóri, markþjálfi og fyrirlesari.

Dæmi um umsagnir frá þátttakendum á fyrri námskeiðum:

"Námskeiðið var virkilega mikill innblástur á tímamótum í lífinu þar sem ég ákvað að breyta til
og hætta í þessu hefðbundna vinnuformi frá 8-16.
Kennararnir á námskeiðinu komu með frábærar hugmyndir
um hvernig hugsa má hlutina upp á nýtt.
“Giggari” er nýja uppáhaldsstarfsheitið mitt.
Mæli með þessu námskeiði fyrir alla sem vilja breyta til
á vinnumarkaði og öðlast meira frelsi."
~ Sólrún

Námskeið fyrir alla óháð aldri. Kannski sérstaklega fólk í "þekkingarbransanum".
Góð verkefni sem ýta manni í góðar pælingar.
~ Kristján

Völundarhús tækifæranna

Nú er bókin Völundarhús tækifæranna komin út.
Bók sem fjallar um breytingar á vinnumarkaði, giggara og aukin lífsgæði.
Sjá meira um bókina hér.

Ég fór á skemmtilegan fyrirlestur um daginn hjá konu sem er í doktorsnámi í Hong Kong en efni rannsóknar hennar eru áhrifavaldar á samfélagsmiðlum. Ég fræddist heilmikið um hverjir eru þekktustu áhrifavaldar í heiminum. Það virðist vera sem flestir áhrifavaldar séu konur á aldrinum 18-23 ára og þær eru fallegar og mjóar og taka fagmannlegar myndir af sér á fallegum stöðum og sitja fyrir eins og um venjulegar fyrirsætur væru. Þær fá auglýsingamarkaðinn með sér í lið og sitja á fremstu röð á tískusýningum. þetta er eftirsóknarvert og þreytandi starf.

Mér fannst þetta mjög áhugavert en var stórmóðguð yfir því að eldri konur séu ekki áhrifavaldar. Hvað er það með auglýsendur og fyrirtæki að hafa ekki áttað sig á að viðskiptavinir á miðjum aldri eru ríkustu og kaupglöðustu neytendur samtímans? 

Ég hugsaði með mér að nú skyldi ég gerast áhrifavaldur. Talaði við unglingsstúlkuna mína sem sagði að ég væri hvorki nógu falleg, mjó né áhugaverð til að verða áhrifavaldur. Hún veit hvað hún syngur því hún er með síðu á Instragram sem fær yfir 30.000 áhorf þegar hún póstar myndböndum. Ég spurði hvað áhrifavaldar gerðu? Mest sýna þau "lífsstílsmyndir" og þá er alveg nauðsynlegt að lífsstíllinn sé ýktur eins og ferðalög á dýra staði, fallegt fólk, falleg föt og flottar töskur og ekki er verra að vera með sixpack og stór brjóst. 

Síðan þá er ég búin að gera mér grein fyrir að líklega verð ég ekki áhrifavaldur með sixpakk, hvað þá að ég hafi efni á lífsstíl áhrifavalda og það er alltaf allt í drasli hjá mér svo að ekki get ég verið með þrif-ráð. Þó vil ég gjarnan auglýsa eftir eldri áhrifavaldi sem er "með ettttta.." og ég get fylgst með og borið mitt auma líf saman við.

Við erum hins vegar öll áhrifavaldar í okkar eigin hring og ættum kannski að huga að því oftar hverjum við "póstum" á hvort annað.


Næsta námskeið okkar, Spennandi tækifæri á vinnumarkaði framtíðarinnar fer af stað, alfarið á netinu, mánudaginn 11. október nk., smelltu hér til að lesa meira um námskeiðið.

Leiðbeinendur á námskeiðinu eru höfundar bókarinnar Völundarhús tækifæranna, þær dr. Árelía Eydís Guðmundsdóttir, dósent við HÍ, og Herdís Pála Pálsdóttir, reyndur mannauðsstjóri, markþjálfi og fyrirlesari.

Dæmi um umsagnir frá þátttakendum á fyrri námskeiðum:

"Námskeiðið var virkilega mikill innblástur á tímamótum í lífinu þar sem ég ákvað að breyta til
og hætta í þessu hefðbundna vinnuformi frá 8-16.
Kennararnir á námskeiðinu komu með frábærar hugmyndir
um hvernig hugsa má hlutina upp á nýtt.
“Giggari” er nýja uppáhaldsstarfsheitið mitt.
Mæli með þessu námskeiði fyrir alla sem vilja breyta til
á vinnumarkaði og öðlast meira frelsi."
~ Sólrún

Námskeið fyrir alla óháð aldri. Kannski sérstaklega fólk í "þekkingarbransanum".
Góð verkefni sem ýta manni í góðar pælingar.
~ Kristján


Völundarhús tækifæranna kápa

Nú er bókin Völundarhús tækifæranna komin út.

Bók sem fjallar um breytingar á vinnumarkaði, giggara og aukin lífsgæði.
Sjá meira um bókina hér.

©2021 – Völundarhús  tækifæranna

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram