Mjúkir hæfniþættir - alveg grjótharðir!

1. ágúst 2021

Þegar rætt er um hæfni sem nauðsynleg er talin til að leysa ýmis viðfangsefni eða sinna tilteknum störfum þá er þessum hæfniþáttum gjarnan skipt í tvo flokka.

Í fyrsta lagi er talað um hæfni sem er þannig að það er auðvelt að skilgreina og mæla hana.
Þessi hæfni er oftast fengin í gegnum nám eða þjálfun í starfi. Hún passar stundum bara í tiltekin störf og nýtist þá gjarnan illa eða ekki í öðrum störfum, færist ekki vel á milli starfa, þó ekki algilt.
 - Á ensku kallast þetta hard skills.
Dæmi um þetta er þekking á tilteknum tölvukerfum, bókhaldsþekking, meirapróf, þekking og réttindi til pípulagna o.fl.

Í öðru lagi er talað um hæfni sem getur verið erfiðara að skilgreina eða mæla.
Þessi hæfni liggur oft misvel við einstaklingum en þó þannig að hana er hægt að styrkja hjá öllum einstaklingum. Hún passar í flest eða öll störf og færist því vel á milli starfa.
 - Á ensku kallast þetta soft skills.
Dæmi um þetta er hæfni í mannlegum samskiptum, sköpunargáfur, tilfinningagreind o.fl.

Soft skills, við eigum því miður ekki gott íslenskt orð fyrir þá, eru þættir sem munu hjálpa til við að laða að og halda í vinnuafl framtíðarinnar.
Kröfur fólks til vinnustaða og stjórnenda sem það vinnur fyrir eru að breytast og því þurfa stjórnendur hugrekki til að láta af gömlum aðferðum, hversu góðar sem þær kunna að hafa verið einhvern tíma, og taka upp nýjar.

Dæmi um þessa mjúku hæfniþætti eru til dæmis:

  • Leiðtogahæfni
    Dæmi: Áhugi á og umhyggja fyrir öðrum, áhugi á og vilji til að styðja aðra og leyfa þeim að njóta heiðurs af eigin verkum, hlustun, auðmýkt, næmni fyrir fjölbreytileika, sveigjanleiki
  • Samskiptahæfni
    Dæmi: tjáning, hlustun, geta séð hlutina frá sjónarhornum annarra, hæfni til að koma skilaboðum á framfæri, hæfni til að hvetja aðra og kveikja áhuga
  • Samvinnuhæfni
    Dæmi: geta séð sjónarhorn annarra, geta gert málamiðlanir, þolinmæði, umhyggja fyrir öðrum
  • Hæfni í að setja saman og halda utan um öflugt teymi
    Dæmi: geta séð ólíka styrkleika ólíkra einstaklinga, geta gert málamiðlanir, geta útdeilt verkefnum út frá styrkleikum, samningatækni
  • Aðlögunarhæfni
    Dæmi: geta til að forgangsraða út frá aðstæðum, geta til að halda ró í erfiðum aðstæðum, geta til að taka ákvarðanir
  • Sköpunarhæfni
    Dæmi: geta hugsað út fyrir það sem er þekkt, geta komið með nýjar lausnir, innsæi, þora að spyrja spurninga, gera tilraunir og læra af mistökum
  • Tilfinningagreind
    Dæmi: hlustun, áhugi á og geta til að skilja hugsanir, tilfinningar og sjónarmið annarra, geta til að samgleðjast, geta og vilji til að finna hvað fólk á sameiginlegt og brjóta upp fordóma
  • Hæfni til að greina og leysa úr flóknum viðfangsefnum
    Dæmi: geta til að greina aðstæður, gögn o.fl., samningatækni, skapandi hugsun

Ég held að það hljóti allir að sjá að þessir hæfniþættir eru mjög mikilvægir og það sem er sérstaklega gott við þá að þeir eru ekki bundnir við tiltekin störf eða starfsemi.
Einstaklingar með þessa hæfni geta því mjög vel færst á milli ólíkra starfa og starfsgreina.

World Economic Forum gaf nýlega út skýrslu um þá hæfniþætti sem þau telja að verði mikilvægastir eða eftirsóttastir árið 2025. Á topp-10 listanum í skýrslunni eru hæfniþættir eins og seigla, sveigjanleiki, sköpunarhæfni, leiðtogahæfni, virk þekkingaröflun, félagsleg áhrif o.fl.

Góðu fréttirnar í þessu öllu saman eru þær að ef þú telur að þú getir bætt þína hæfni í fyrrgreindum þáttum þá eru margar leiðir færar til þess. Þú gætir lesið bækur, farið á námskeið, hlustað á fyrirlestra á netinu eða nýtt þér þjónustu markþjálfa.


Næsta námskeið okkar, Spennandi tækifæri á vinnumarkaði framtíðarinnar fer af stað, alfarið á netinu, mánudaginn 11. október nk., smelltu hér til að lesa meira um námskeiðið.

Leiðbeinendur á námskeiðinu eru höfundar bókarinnar Völundarhús tækifæranna, þær dr. Árelía Eydís Guðmundsdóttir, dósent við HÍ, og Herdís Pála Pálsdóttir, reyndur mannauðsstjóri, markþjálfi og fyrirlesari.

Dæmi um umsagnir frá þátttakendum á fyrri námskeiðum:

"Námskeiðið var virkilega mikill innblástur á tímamótum í lífinu þar sem ég ákvað að breyta til
og hætta í þessu hefðbundna vinnuformi frá 8-16.
Kennararnir á námskeiðinu komu með frábærar hugmyndir
um hvernig hugsa má hlutina upp á nýtt.
“Giggari” er nýja uppáhaldsstarfsheitið mitt.
Mæli með þessu námskeiði fyrir alla sem vilja breyta til
á vinnumarkaði og öðlast meira frelsi."
~ Sólrún

Námskeið fyrir alla óháð aldri. Kannski sérstaklega fólk í "þekkingarbransanum".
Góð verkefni sem ýta manni í góðar pælingar.
~ Kristján

Völundarhús tækifæranna

Nú er bókin Völundarhús tækifæranna komin út.
Bók sem fjallar um breytingar á vinnumarkaði, giggara og aukin lífsgæði.
Sjá meira um bókina hér.

©2021 – Völundarhús  tækifæranna

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram